- Qarjylaı júktemeniń tómendeýi kóp balaly jáne az qamtylǵan otbasylarǵa, jetim jáne ata-ana qamqorynsyz qalǵan balalarǵa jáne turǵyndardyń áleýmettik jaǵynan az qamtylǵan bóligine jatatan basqa da azamattarǵa, sonymen qatar, bıýdjetttik sala qyzmetkerlerine qatysty, - dep naqtylady Berdibek Saparbaev.
Qaırat Altynbekov Aqtóbe oblysynda bastapqy jarnany 20-dan 10 paıyzǵa tómendetý oblys ákimdigi 2 mlrd teńge bólgenniń arqasynda múmkin bolǵanyn atap ótti.
- Jergilikti bılikke qoldaý kórsetkenderińiz úshin alǵys aıtamyz, - dedi «Baspana» IU basqarma tóraǵasy.
Búginge deıin 7-20-25 baǵdarlamasymen úı alýǵa Aqtóbe oblysynyń turǵyndarynan 1 165 mln teńge somasyna turǵyndardan 137 ótinish tústi, onyń 758 mln teńgege 88-i maquldandy.
Memorandýmǵa Aqtóbede partııa hatshysy Tamara Dúısenovanyń tóraǵalyǵymen ótken «Nur Otan» partııasynyń bastaýysh uıymdarynyń birinshi óńirlik forýmy barysynda qol qoıyldy. Oǵan Astanadan, Mańǵystaý, Batys Qazaqstan jáne Atyraý oblystarynan kelgen delegattar qatysty. Barlyǵy 200-den asa adam.
Qatysýshylarmen amandasqan Berdibek Saparbaev bastaýysh partııalyq uıymdar – bul partııanyń barlyq sheshimderin is júzinde júzege asyratyn negizgi qural ekenin atap ótti.
- Partııanyń jetistikteri men tabystary bastaýysh partııalyq uıymdardyń tıimdi is-áreketine tikeleı baılanysty. Búginde Aqtóbe oblysyndaǵy partııanyń bólimsheleri 457 bastaýysh partııalyq uıymdarda tirkelgen 44 myńnan asa adamnyń basyn biriktirip otyr. Soǵan qaramastan, biz eńbek ujymdarynda jańa «bastaýysh» uıymdardy qurý jumystaryn jalǵastyryp jatyrmyz. Jalpy, partııa jobalarynyń, onyń tóraǵasy – Elbasy Nursultan Ábishuly Nazarbaevtyń tapsyrmalarynyń oryndalýy únemi baqylaýda. Biz olardyń ýaqytynda ári sapaly júzege asyrylýyn qamtamasyz etemiz, - dedi «Nur Otan» partııasynyń Aqtóbe oblystyq fılıalynyń tóraǵasy, oblys ákimi Berdibek Saparbaev.
Ol óziniń baıandamasynda Prezıdenttiń bes áleýmettik bastamasyn júzege asyrýǵa basa nazar aýdardy.
- Prezıdent bastamasy aqtóbelikter tarapynan keń qoldaý tapty. «7-20-25» baǵdarlamasy oblystyń 24 myń turǵynyna buryn-sońdy bolmaǵan tıimdi sharttarmen baspanaly bolýǵa múmkindik beredi. Salyq júktemesiniń tómendeýimen 68 myń aqtóbeliktiń eńbekaqysy 9 paıyzǵa ósti. Stýdentterge segiz jataqhana salynatyn bolady. ShOB-ti shaǵyn nesıeleýge qosymsha 2 mlrd teńge aýdaryldy, ıaǵnı myńdaǵan aqtóbelik óz isin asha alady, - dep habarlady oblys ákimi forým qonaqtaryna.
О́z kezeginde, partııa hatshysy Tamara Dúısenova partııa jobalary men memleket basshysynyń bes áleýmettik bastamasynyń Aqtóbe oblysynda júzege asyrylýyna joǵary baǵa berdi.
- Budan buryn Saıası keńes otyrysynda tanystyrylǵan partııanyń barlyq 24 jobasy Aqtóbe oblysynda jaqsy ótýde, sizdiń barlyq uıymdaryńyz jaqsy jumys jasap jatyr. Sondaı-aq, Aqtóbe oblysy «Baspana» ıpotekalyq uıymynyń jobalaryn júzege asyrýda da respýblıka boıynsha kósh basyndaǵylardyń bestiginde. Búgin ıpotekalyq nesıeleýge qol jetkizýdi keńeıtý týraly memorandýmǵa qol qoıyldy. Osy ıdeıany qoldaǵandaryńyz úshin rahmet, - dedi T.Dúısenova.
